Hukom 19:17-19

Ang Salita ng Dios (Tagalog Contemporary Bible)

¹⁷ Nang makita ng matanda ang manlalakbay sa plasa, nilapitan niya ang mga ito at tinanong, “Taga-saan kayo? At saan kayo pupunta?” ¹⁸ Sumagot ang Levita, “Galing kami sa Betlehem na sakop ng Juda at pauwi na kami sa bahay namin^[a] sa kabundukan ng Efraim. Walang nag-alok sa amin na tumuloy sa bahay niya. ¹⁹ May pagkain at inumin kami ng asawa ko at ng aking utusan. Mayroon kaming dayami at pagkain para sa mga asno namin. Kaya wala na kaming kailangan pa.”